<p>一品香-告別了</p>

一品香-告別了

有時行銅鑼灣會經過Forever21旁既一條食街入面有好多中式港式既餐廳食肆當中不乏老字號,就如此文所寫既一品香只係今次寫既係告別文……因為樓宇結構問題,有關部門要求一品香餐廳負責人繳負相當既使費小店黎講,大概難以一次過交付一筆大金額最後幾十年老店落得結業既唯一結果,令人惋惜我地兩位,係下午茶時段兩點幾三點入座客人太多,反正我地就係要同人搭枱不過算啦好常見既,而且對方兩位都係斯文有禮之人,感覺還可以環境當然都係舊式茶餐廳格局,衛生情況只能說尚可接受但係呢度係會有氣氛,唔係果種特意裝修到好舊香港風情卻毫無懷舊感覺既熱豆漿咩都唔講,先黎兩個熱豆!以碗裝既感覺十分獨特,呢d就係復古味豆漿味道帶甜,但唔會過份甜到似糖水,清清地但豆味唔濃飲到尾都冇渣冇殘餘,甜味亦均勻,唔會話開頭淡味,越飲越重甜咁夠哂熱度,氣溫低,坐低飲碗就當暖暖身先牛肉擔擔麵所謂牛肉,實則是牛腱只係佢地既牛腱雖然係大塊夾厚身,但完全不韌不乾柴入口稔香重牛味,仲要牛腱中間既筋位係如啫喱般既黏稠膠質夠入味,食落冇牛肉腥臊味道,當然亦沒有雪味擔擔麵麵質滑身稔香,並非其他麵既彈牙爽口,咀嚼下卻是麵香滿溢而且煮得剛剛好既熟度,軟身而分明不黏,唔會話成個麵餅痴埋一舊也沒有水分重至淋爛既情況,麵條完整不粉不碎湯底除左微辣及芝麻香之外,仲有少許醋酸味感覺味道溫和,沒有嗆辣麻感,比較平和排骨擔擔麵上枱既時候只有一碗麵,心諗……嗯我既排骨呢?揚手,向伙計反映話咁快,一碟炸得金黃乾爽既切件排骨就被送到面前輕咬一口,排骨外皮卡滋酥脆,調味惹味香口排骨肉是軟稔不韌,濕潤留少少肉汁,帶肉香只係肉片薄身,而炸皮似乎過厚了,很可惜而擔擔麵,剛才已經提過了味道麵質沒有太大分別,可見老店水準都叫穩定而且餸菜都只係後加,不用一同烹煮,擔擔麵和湯既味道碗碗都係差不多架啦菜肉雲吞一碗雲吞係跟湯浸住上既大概至少有十粒,粒粒都係飽滿多餡料,大方不手軟外皮帶麵香,厚度適中,可以緊緊包裹餡料不會滲漏餡料係唔會有菜青味,菜色仍保持青綠冇變黃而且冇煮得太耐,放得太耐既噏味只係佢餡料既調味極輕淡,只會嚐到菜味及少許肉味,所以跟湯食係冇錯既一月三十一日,別。

by:  
timjaisweety  timjaisweety  on 4 Feb '15


+

This post was created by a Foodie community contributor, where anyone can post their opinions and thoughts. Views represented are not affiliated with Foodie or our Partners. =)


timjaisweety

timjaisweety

university student who writes food, travel and recipe blogs as a hobby

share the ♥