「酒」。在759

「酒」。在759

759阿信屋中值得一試的十種< HKD$100來自世界各地的酒

Brought to you by:  
The Flying Winemaker  The Flying Winemaker  | over 2 years ago

一提起酒,大家會唔會就覺得一定會係高消費嘅奢侈品? 定會諗起一大班朋友落去老蘭、尖咀嘅酒吧先有得飲? 重會飲到又醉又嘔? 其實,酒並唔係香港人諗得咁昂貴,咁難入手。將唔同嘅酒融入於香港人忙碌嘅生活當中,其實並唔係難事,而且將會成為一個新趨勢,令大家百忙中都能及時行樂。此外,尤其係新手嘅你地或者唔想花大量金錢係酒上面嘅嗜酒人士,不妨「酒」到759阿信屋尋找自己嘅生活「酒」味。


邊個話「平」一定唔會係好酒? 識揀岩自己飲嘅酒,識點配搭食物,唔一定貴價酒都可以好好享受。以下會為大家介紹759阿信屋有售十款來自世界各地唔同類型嘅酒,仲要係低過HKD$100!


1. Tussock Jumper托索環球系列-佳美娜紅酒750ml                    HKD$85.9

產地: 智利

Image titleImage title


如果你係初初接觸紅酒又或者你比較喜歡單寧較低同埋酒體輕盈嘅酒,Tussock呢一款佳美娜紅酒就係一個不二之選。唔單止色調比較高貴得似紅寶石,充滿漿果嘅香氣得黎仲好易入口。不過可能就要冬天飲佢先比較好,尤其係BBQ或者打邊爐嘅時候最佳良伴!



2. Barokes澳洲巴盧斯特級有汽玫瑰紅酒 300ml                                        HKD$25

產地: 澳洲

Image titleImage title


雖然係汽泡酒,但都屬於Rosé的一份子。有冇聽過#RoséRevolution?要跟貼個潮流又想容易入口、方便攜帶,Rosé係女仔嘅至愛。300ml細細支,最岩雪凍佢拎出街同好朋友一邊傾、一邊享Rosé嘅花香同粉紅嘅氣泡。



3. Barokes澳洲巴盧斯赤霞珠西拉特級有汽紅酒 300ml                              HKD$25

產地: 澳洲Image titleImage title

同樣係澳洲嘅汽泡酒,呢一種blend左赤霞珠(Cabernet Sauvignon)同西拉(Shiraz)兩種提子,感覺又唔同左。冇左種花香同粉紅色,但卻多左一份朱古力嘅香,令人格外醒神。最岩暑假帶去沙灘曬太陽或者去野餐熱辣辣嘅時候飲住佢同陽光玩遊戲!




4. Fiorini 澳洲奧尼利系列粉紅麝香葡萄白酒750ml                                   HKD$105

產地: 澳洲

Image titleImage title


介紹左兩種澳洲製造嘅汽酒,係時候介紹下白酒啦。Fiorini呢一種粉紅色玫瑰酒色嘅白酒擁有新鮮提子果香、玫瑰花同蜜糖嘅香味。入口有少少甜甜地嘅感覺,份外多一種水果嘅清新。



5. Giuliana意大利冠利亞酒莊白酒750ml                                                        HKD$79

產地: 意大利


Image titleImage title

係意大利西西里島(Sicilia)特別用灰皮渃(Pinot Gris)釀製而成嘅呢一款百酒,同樣是比較少單寧嘅好選擇。呢款酒清爽得黎仲有淡淡柑橘同玫瑰嘅香味,飲落口岩岩好,酸度夠得黎唔會令人失望。Pinot Gris釀出黎本來係一種好重身嘅酒,但係香港買嘅話好多時都岩岩相反,令人較易接受因而都係一個好選擇。



6. 喜久水酒造柚子酒300ml                                                                      HKD$80.5

產地:日本

Image title

Image title

住就係兩隻由日本黎嘅酒,率先為大家介紹就係呢一款細細支嘅柚子酒。佢特別用左日本南信州柚子同富有日本特色嘅白米浸釀而成,係夏天加兩三粒冰飲佢就最好。酒充滿住柚子嘅果味同香味,應該好多人都會幾喜歡呢支酒。最岩成日吃日本菜嘅香港人飲住嘆壽司、刺身、關東煮、煮魚等美食。



7. 中野Temari蜂蜜梅酒180ml                                                                    HKD$34.5

產地:日本

Image title

Image title


日本除左柚子酒出名,梅酒亦係日本嘅名產。用上蜂蜜配上南高梅,甘甜同酸味配合得岩岩好,好容易入口。呢款梅酒連平時唔太飲酒嘅人都會心思思想試,大家亦可以試下用佢黎配糖醋類嘅餸菜或者各款甜品。




8. Casa De Herencia卡沙希力雅白酒750ml                                                 HKD34.9

產地:西班牙

Image titleImage title

呢一款來自西班牙而低過HKD$40,一款blend左右馬卡貝奧(Macabeo)、莫賽格拉(Merseguera)、瑪爾維薩(Malvasia)提子嘅白酒。雖然平,但有著豐富嘅田園氣色。入面有點點蜜餞同靑檸清新嘅味道。最適合一邊食小食或者海鮮嘅時候飲下,幻想下西班牙田園嘅畫面。



9. Two Tone Farm 黑皮諾紅酒750ml                                                            HKD$59

產地:美國

Image titleImage title

今次係美國嘅紅酒,用上赤霞珠(Cabernet Sauvignon)所以有濃郁黑色水果嘅成熟果香。加州Cabernet Sauvignon 有點像波爾多(Bordeaux)品種,但就有更濃郁、更集中嘅香氣,口感更加緊實。大家不仿食紅肉或芝士時,品嚐下呢種酒。




10. GINETTO芳香士多啤梨味雞尾酒750ml                                                   HKD$50

產地:德國

Image title
Image title


德國除左飲啤酒,其實呢類型嘅果實酒都好值得試下。呢款都係blend好左唔同嘅提子而釀成。有著成熟士多啤梨果醬同埋紅漿果嘅香味,微微的甜,感覺好不一樣。最適合嘅配搭有甜品同西式焗批。





唔好以為一定要價值連城嘅陳年酒先可以令人好好享受,759阿信屋有好多款價值好大眾化但其實識好好配搭都可以值得買嘅酒。酒,其實可以由另一個角度去品嚐。大家不仿去759每人買支酒,約埋三五知己去玩下Blind Tasting包你回味無窮。但記得留意返,唔係每間759都有多款酒有售嫁。 仲有記得759嘅貨去同轉得好快,記住試到心頭好就好入定多d貨啦!









The Flying Winemaker

The Flying Winemaker | Hong Kong

Eddie McDougall, The Flying Winemaker, is an award-winning wine judge, tv host, and HK winemaker

share the ♥